Қырғыздардың экс-президенті сотталуына қатысты пікір білдірді
Фото: Facebook/ Алмазбек Атамбаев
4 маусым күні Бішкектегі Первомай аудандық соты Қырғызстанның бұрынғы президенті Алмазбек Атамбаевты бірнеше ауыр бап бойынша кінәлі деп танып, оны сырттай 11 жыл 3 айға бас бостандығынан айырды. Атамбаев жазамен келіспейтінін мәлімдеді, деп хабарлайды Orda.kz.
Атамбаевқа Қой-Таш ауылынан заңсыз жер алып, ол жерде жаппай тәртіпсіздіктерді ұйымдастырды деген айып тағылды. Сонымен қатар қырғыз соты экс-президентті Бішкек ЖЭО-ын жаңғырту кезінде жемқорлыққа жол берді деп айыптады. Алмазбек Атамбаев Facebook парақшасында жазба жариялап, билікті сынады.
«Мен ешқашан Қырғызстанның мүдделеріне опасыздық жасаған емеспін. Мен саналы түрде саясаттан бас тарттым және мемлекеттік істерге араласпаймын. Бірақ қазіргі билікте отырғандар үшін бұл жеткіліксіз болып шықты. Олар мені, менің жақтастарымды, жақындарымды қудалауын доғармай жатыр. Бұл әділдікті іздеу емес, керісінше кек алу тәсіліне көбірек ұқсайды», - деп жазды экс-президент.
Айта кетейік, Атамбаевқа тағылған айып бойынша тағы бірнеше адам сотталды. Бұрынғы президент бұл жағдайға да бей-жай қарамай, жазбасына қосыпты. Әрі ол өзін жазықсыз айыптап отырғандарды жазғырды.
«Мен отбасыммен, жұбайыммен және балаларыммен мақтанамын. Фарид Ниязов, Ирина Карамушкина және басқа да өз жақтастарыммен мақтанамын. Мен олардың азап шегуіне, қудалануына еріксіз себеп болғаным үшін кешірім сұраймын. Президент Садыр Жапаров мені сыбайлас жемқорлықтан кісі өлтіруге дейінгі көптеген басқа қылмыстар үшін айыптады. Сондықтан мен билікке нақты талап қоямын. Менің ісімді Гаагадағы Халықаралық қылмыстық сотқа жіберуі керек. Мен ол соттың алдына жеке келіп, саяси айыптаулардан бастап қылмыстық істерге дейінгі барлық айыптар бойынша жауап беруге дайынмын. Барлығы шындықты білсін», - деді Атамбаев.
Экс-президент биліктегілер адал болса халықаралық трибуналардан қашпауы керегін түсіндірді. Сонымен қатар ол айыбы нақтыланса темір торға қамалуға да ниетті екенін жеткізді. Атамбаев жазықсыз ұсталған адамдардың ісі қайта қаралуын талап етті.
Айта кетейік, Атамбаев сырттай 11 жыл 3 айға бас бостандығынан айырылды. Сондай-ақ, барлық мемлекеттік марапаттарынан айырылып, мүлкі тәркіленетін болды.
Жаңалықтар
- Алматының шыжыған ыстығы 50 жыл бұрын тіркелген температура рекордын жаңартты
- Ақтөбе облысында есірткі сатты деген күдікпен екі полицей ұсталды
- Бұрынғы энергетика министрі Атырау облысының әкімі болып тағайындалды
- Серік Шәпкенов Атырау облысы әкімі қызметінен босатылды
- «Семей орманы»: Құтқарушылар ашық жанып жатқан өртті тоқтатты
- Түркістан облысындағы күре жолда болған апаттан 7 адам қаза тапты
- Иран хуситтерден мұнай тасымалының тағы бір бағытын жабуды сұрады
- Екі министр шұғыл аттанды: Абай облысындағы өрт 60 гектарды шарпыды, 220 адам эвакуацияланды
- Астанада нәрестесін кәрізге ағызып жіберген 29 жастағы әйел ұсталды
- Павлодардағы банкте петарда жарған қарттардың халі қалай?
- Алматыда қызды аяусыз ұрып-соғып, видеоға түсіріп таратқан
- Президент Қытайда: «Қазақстанды Орталық Азиядағы жетекші AgriTech хабы ретінде дамытамыз»
- «Семей орманы» аумағындағы алапат өртті сөндіруге авиация тартылды
- 200 миллиард теңгенің темекі контрабандасын шетелден кіргізбекші болғандар ұсталды
- Түрмедегі салық: Оралдағы колонияда қылмыстық топ құрып алған
- ӘЧ-2026: Матчтан кейінгі саяси дау — «Фолкленд аралдары – Аргентинаға тиесілі»
- «Қайрат» Чемпиондар лигасы іріктеу кезеңінің екінші айналымына өтті
- Шомылу маусымы басталғалы 69 бала суға кетіп қайтыс болды
- Иран Американың Кувейт пен Иорданиядағы әскери нысандарына жаңа соққы жасады
- Мемлекет басшысы ҚХР Төрағасының шақыруымен Шанхайға жұмыс сапарымен барды
