Қырғызстанның экс-президенті Алмазбек Атамбаев 11 жылға сотталды

Бішкектегі Первомай аудандық соты Қырғызстанның бұрынғы президенті Алмазбек Атамбаевты бірнеше ауыр бап бойынша кінәлі деп таныды, деп хабарлайды Orda.kz.

Атамбаев Қой-Таш ауылынан заңсыз жер алған, Бішкек ЖЭО-ын жаңғырту кезінде жемқорлыққа жол берді. Сонымен қатар, 2019 жылдың 7–8 тамызы аралығында Қой-Ташта болған жаппай тәртіпсіздіктерді ұйымдастырды деп айыпталды. 

Бұл іс бойынша тағы бірнеше лауазымды тұлғаның сотталғаны белгілі болды.

Атамбаев сырттай 11 жыл 3 айға бас бостандығынан айырылды. Сондай-ақ, барлық мемлекеттік марапаттарынан айырылып, мүлкі тәркіленетін болды.

Алмазбек Атамбаев 2011–2017 жылдары Қырғызстан президенті болды. Бұл – оған шыққан алғашқы үкім емес. Бұған дейін де сотталып, түрмеде отырған. 

Бірақ 2023 жылы денсаулығына байланысты босатылып, Испанияға ұшып кеткен. Содан бері елге оралмады.