«Қылмыстық қудалау тоқтады» Данияр Мейірханның адвокаты жаңа мәлімдеме жасады

ҚР ІІМ Есірткі қылмысына қарсы іс-қимыл комитетінің бұрынғы төрағасы Данияр Мейрханға қатысты телефон сатып алу эпизодына байланысты қылмыстық қудалау тоқтатылды, деп хабарлайды Orda.kz.

Бұл туралы оның адвокаты Әлия Жаманбаева мәлімдеді. Оның айтуынша, бұған дейін бұрынғы бағыныштыларының бірі басшысына телефонды бөліп төлеу арқылы рәсімдеп бергенін айтқан. Алайда кейіннен сатып алу ақысын Данияр Мейірханның өзі төлегені анықталған.

«Менің қорғауымдағы тұлғаға қатысты телефонға байланысты оқиғаға нүкте қойылды. Тергеу органы Данияр Мейірханға қатысты қылмыстық қудалауды тоқтатты» деп жазды Жаманбаева. 

Әңгіме 2024 жылғы оқиғалар туралы болып отыр. Адвокаттың нұсқасына сәйкес, сол кезеңде Мейірхан синтетикалық есірткі өндірісімен күресу үшін «Спутник» жүйесі арқылы зертханалардағы химиялық шығарындыларды бақылауды IT-мамандар тобымен бірге өз қарамағындағы қызметкеріне тапсырған.

Оның пікірінше, тергеу қорытындылары бұрынғы қызметкердің шағымдарын жоққа шығарды.

«Тергеу органының қабылдаған шешімі арызда көрсетілген және БАҚ пен блогерлер кеңінен таратқан айыптаулардың негізсіз екенін дәлелдегеніне өте қуаныштымын» деп нақтылады Жаманбаева.

Адвокат сондай-ақ сотқа дейінгі тергеу материалдары бірнеше рет жекелеген БАҚ пен блогерлердің қолына түскенін айтты. Жаманбаеваның сөзінше, бұл қоғамдық пікірге әсер етіп, оның қорғауындағы адамның беделіне нұқсан келтірген. Ол бұл фактілерге құқықтық баға беріледі деп үміттенеді.

«Ақпаратты бұрмалауды жақсы көретіндермен сотта кездесуге тура келеді» деп қорытындылады адвокат. 

Данияр Мейірханға қатысты тексеріс Есірткі қылмысына қарсы іс-қимыл комитеті қызметкерлерінің өтініштерінен кейін басталған. Қоғамдық кеңістікте оған қызметтік өкілеттігін асыра пайдаланды және қудалау  жасады деген айыптар да айтылған, содан кейін ол қызметінен шеттетілген.

Кейін адвокат қудалау туралы айып бойынша қылмыстық істің де тоқтатылғанын хабарлады. Ал Мейірханның өзі жақында бұрын өзін қудалады деп айыптаған әйелдің сотқа жүгінгенін айтып, жанжалдың мән-жайын түсіндіруі мүмкін хат алмасуды ұсынуға дайын екенін мәлімдеді.

Данияр Мейірхан ІІМ жүйесінде 2003 жылдан бері қызмет етеді. Есірткіге қарсы комитетті өткен жылдан бері басқарған. Бұған дейін де оның есімі түрлі резонансты оқиғаларға байланысты аталған болатын.

Оқи отырыңыз:

• Алматы әуежайында құбыр құлап, жоспардан тыс тексеру басталды
• «Қазақмыс» төрағасының орынбасары шахтерлер ереуілінен кейін қызметінен шеттетілді
• Шымкентте хиджаб киген қыз есірткі таратып жүріп ұсталды