«Қазақмыс» төрағасының орынбасары шахтерлер ереуілінен кейін қызметінен шеттетілді

«Қазақмыс» корпорациясы төрағасының орынбасары Саят Бакиров шахтерлердің ереуілінен кейін қызметінен шеттетілді. Келіссөз екі сағатқа созылды, деп хабарлайды Orda.kz.       

«Қазақмыс» корпорациясы төрағасының орынбасары Саят Бакиров қызметтік тексеру аяқталғанға дейін лауазымынан уақытша шеттетілді. Бұл туралы корпорация басқарма төрағасы Руслан Өскенәлі ереуілге шыққан шахтерлермен кездесуде айтты.

Сондай-ақ HR қызметінің бір қызметкері де қызметінен босатылды. Өскенәлі жұмысшылардың шағымдарымен жеке өзі айналысатынын айтты. Сонымен қатар ол жалақы мәселесін шешу үшін уақыт қажет екенін мәлімдеді.

Бұған дейін Қазақмыс компаниясы қызметкерлердің өтініштерінің басым бөлігі жабдықтардың техникалық жағдайына қатысты болғанын хабарлаған еді. Компания мұны өткен жылдардағы қаржыландырудың жеткіліксіздігімен байланыстырды және инвестициялық бағдарламаны жеделдетуге уәде берді.

Кездесу барысында бастамашыл топ мүшелерінің бірі корпорацияның бұрынғы акционерлерін қатаң сынға алды.

«Бұрынғы акционерлер 30 жыл бойы «Қазақмыстан» пайда тауып, өздері кеткеннен кейін тозығы жеткен өндіріс пен орасан зор қарыз қалдырды», – деді ол. 

Қазіргі уақытта корпорацияның иесі – Нұрлан Артықбаев. Ол компанияны 2025 жылы Владимир Ким мен Эдуард Огайдан сатып алған.

Оқи отырыңыз:

• «Қазақмыс» корпорациясын Qazaq Stroy сатып алды
• Қазақстандағы мыс саласы қайтадан Владимир Ким мен Эдуард Огайдың қолына өтті
• Қазақмыс: Сәтбаевтағы қарайған қарға ескірген техниканың қатысы жоқ