Қылмыстық кодекстің Нығматулинге тағылған бабы белгілі болды - ол 12 жылға бас бостандығынан айырылуы мүмкін

ҚР Қылмыстық кодексі бойынша Нығматулиндердің үлкені Арғын Нығматулинге қатысты айып тағылған бап аталды. Бұған дейін прокуратураның бастамасымен оған сыбайлас жемқорлыққа қарсы қызмет халықаралық іздеу жариялаған болатын. 

Бұл туралы ҚазТАГ хабарлады.

«Бас прокуратура А.Нығматулинге тергеу жүргізіп жатыр және Қылмыстық кодекстің 189-бабының 4-бөлігінің 2-тармағы (бөтеннің сеніп тапсырылған мүлкін аса ірі көлемде иемдену немесе талан-таражға) бойынша қылмыстық іс қозғалды», деп хабарлады ҚазТАГ Бас прокуратурадан алынған жауапқа негіздей отырып.   

Айта кетейік, аталған қылмыстың саралануы бойынша Нығматулин мүлкі тәркіленіп, жеті жылдан 12 жылға дейін бас бостандығынан айырылуы мүмкін.

Бұған дейін Арғын Нығматулинге прокуратура 2025 жылдың 3 наурызында сыбайлас жемқорлыққа қарсы қызмет арқылы іздеу жариялаған. Кейін Бас прокуратура Нығматулиндердің үлкеніне іздеу жарияланғанын растап, оның мемлекет қаржысын жымқырды деген күдікке ілінгенін айтты.

Наурыздың 6-сы күні Бас прокурордың орынбасары Әсет Шындалиев Арғын Нығматулинге халықаралық іздеу жарияланғанын растады.

Нұрлан Нығматулин қаңтар оқиғасынан кейін 2022 жылғы 1 ақпанда Мәжіліс спикері қызметінен кетті. Ол 2016 жылдан бері парламенттің төменгі палатасын басқарды, бұл оның екінші төрағалығы еді. Оған дейін ол 2012-2014 жылдары Мәжіліс спикері болған. Осы жылдар ішінде ол президент әкімшілігін басқарды, Қарағанды ​​облысының әкімі болды.

Нұрлан Нығматулиннің егіз інісі Ерлан Нығматулин де кезінде Мәжілістің де, Сенаттың да депутаттық мандатты иеленді. Олардың үлкен ағасы – Арғын Нығматулин Қарағанды ​​облысы мәслихатының бұрынғы депутаты.

Ағайынды Нығматулиндерге бірнеше рет рейдерлік басып алу, қылмыстық құрылымдар мен қылмыстық істерді қолдан жасады деген айыптар тағылды, бірақ ағайындылар әлі де бостандықта жүр.

Бұған дейін Арғын Нығматулинді прокуратура іздеуге жариялағаны туралы жазған болатынбыз.