Нұрлан Нығматулинның ағасы іздеуге жарияланды

Мәжілістің экс-спикері Нұрлан Нығматулиннің ағасы Арғын Нығматулин іздеуге жарияланды, деп хабарлайды Orda.kz.

2025 жылғы 3 наурызда тіркелген іздестіру ісі Астанада ашылған. Істі бастаушы – прокуратура. Бұл туралы құқықтық статистика органдары сайтында хабарланды.

Әңгіме атышулы Ниғматулиндер туралы. 2022 жылы Антикор кәсіпкер Қуат Сұлтанбековтің арызы бойынша қылмыстық іс қозғаған. Ол 10 жыл түрмеде отырып, өзіне тағылған айыптардың жалған екенін мәлімдеген. Оның айтуынша, оны соттағандар Ниғматулиннің егіздерінің мүддесін көздеген. Кейін Жоғарғы сот бұл айыптарды негізсіз деп танып, Сұлтанбеков бостандыққа шықты.

Нұрлан Ниғматулин – қазақ саясатындағы салмақты фигуралардың бірі. Ол жылдар бойы мәжіліс төрағасы қызметін атқарды. Ал оның сыңары Ерлан Ниғматулин – елдегі ең ықпалды кәсіпкерлердің бірі. Олардың аты рейдерлік, жемқорлық және билікті асыра пайдалану істерімен жиі аталды. Ерлан Ниғматулинді Қарағанды облысында кәсіпкерлерден бизнесті күшпен тартып алды деп айыптағандар болған. Алайда ол бұл айыптарды жоққа шығарды.

Ал Антикор іздеу жариялаған Арғын Ниғматулин көпшілікке аса танымал емес. Ол «Сарыарқа» хоккей клубын басқарған, Қарағанды облыстық мәслихатының депутаты болған.

Бұған дейін Нұрлан Ниғматулиннің ұлдарына тиесілі делінген Ресейдегі «Новоджамбыл фосфор зауытының» активтері қарызға байланысты бұғатталғаны хабарланған еді.

Бұдан бөлек, жарты жыл бұрын Арғын Ниғматулиннің Дубайдағы жылжымайтын мүлкі туралы зерттеу жариялады. Журналистер оның жұбайы BAHAR тұрғын үй кешенінен 170 миллион теңгеге (шамамен 380 мың доллар) пәтер сатып алғанын анықтады.