Құпия жерде бой тасалаған: Қарағанды облысында 5 жыл бойы іздеуде жүрген қылмыскер ұсталды

Қарағанды облысында аса ауыр қылмыс жасады деген күдікпен 43 жастағы ер адам ұсталды, деп хабарлайды Orda.kz.

Күдікті бопсалау қылмысы бойынша 5 жыл бойы халықаралық іздеуде болған.

Полиция дерегінше, арнайы операция Қарағанды қаласы аумағында, жекеменшік тұрғын үйлердің бірінде жүргізілген. Тінту барысында полицейлер арнайы жабдықталған жасырын орынды тапты. Күдікті сол жерді қоныстанғаны белгілі болды. Алдын ала деректерге сәйкес, ер адам қала тұрғынын қорқытып, күш қолданып, 117 миллион теңге бопсалаған.

Қазіргі уақытта ұсталған азамат уақытша ұстау изоляторына қамауға алынды. Сотқа дейінгі тергеу амалдары жүргізіліп жатыр.

Оқи отырыңыз:

• Мектептерде мазмұндама, шығарма және диктант жазу қайта енгізіледі
• Алматы қаласында алып ағаш құлап, көшені жауып қалды
• Шымкент әуежайында FlyArystan ұшағы итті қағып кетті