ҚР СІМ Таяу Шығыстағы жағдайға қатысты мәлімдеме жасады

Қазақстан Республикасының Сыртқы істер министрлігі АҚШ-тың Иранға қарсы әскери әрекеттері Каспий маңы мемлекеттері үшін қауіпті екенін атап өтті, деп хабарлайды Orda.kz.

ҚР СІМ-де атап өткендей, АҚШ-тың Иранға қарсы соңғы әскери әрекеттері халықаралық жағдайдың күрт нашарлауына тап етті.

«Біздің өңірде орналасқан мемлекеттердің қауіпсіздігіне төнетін салдарлар өте қауіпті болуы мүмкін. Қазақстан Каспий маңы елдерінің қатарына кіреді және Иранмен түрлі салаларда ынтымақтастықты дамытып келеді. Біздің еліміз барлық қайшылықтар, соның ішінде ядролық мәселелер тек БҰҰ Жарғысына сәйкес келіссөздер арқылы шешілуі тиіс деп санайды»,  деп атап өтті министрлік. 

ҚР Сыртқы істер министрлігі мүдделі барлық елдерді ядролық қарудың таралуына жол бермеу және таратпау режимін ұстанатын мемлекеттердің қауіпсіздігін халықаралық бақылау негізінде кепілдік ету мақсатында келісім жасасу бойынша жұмысты жеделдетуге шақырды.

22 маусым күні АҚШ ӘӘК Иранның үш өңіріндегі ядролық инфрақұрылым нысандарына әуе соққыларын  жасады. Жауап ретінде Иран Израиль аумағын қанатты зымырандармен атқылады.

БҰҰ бас хатшысы АҚШ-тың Иранның ядролық нысандарына соққысын қауіпті өршіту деп атады, ал Иран режимі уранды байытуды тоқтатпайтынын мәлімдеп, Израильге оқ жаудыруын жалғастырды.

Қазақстанның Сыртқы істер министрлігі  Газа тұрғындарын біздің елімізге көшіру туралы желіде желдей есіп жүрген сыбыстарды жоққа шығарды.