«Костенко» шахтасындағы 46 кеншінің қазасы: Прокурор қандай жаза сұрады?

Қарағанды облыстық сотында «Костенко» атындағы шахтадағы жарылыс ісі бойынша жарыссөздер өтті. Прокурор айыпталушыларға берілуі тиіс жаза мерзімдерін айтты, деп хабарлайды Orda.kz.

Айыпталушылар орындығында – шахтаның он басшысы және инженерлік-техникалық құрам өкілдері отыр. Олардың арасында шахта директоры, бас инженер, желдету және конвейерлік көлік учаскелерінің бастықтары бар.

Прокурор төрт фигурантқа сегіз жыл түрме жазасын, қалғандарына алты және жеті жыл колонияға жіберу жазасын сұрады.

2023 жылдың қазан айында «Костенко» шахтасында 46 адам қаза тауып, тағы 28 адам әртүрлі жарақат алған еді. Ол кезде Қарағанды облысындағы көмір шахталары ArcelorMittal Temirtau компаниясына тиесілі болған.