Қостанайдағы интернатта 14 жастағы бала көз жұмды: Қызметкерлер аптап ыстық пен кондиционердің жоқтығына шағымданды
Фото: ЖИ көмегімен жасалды
Қостанай қаласындағы ерекше қажеттіліктері бар балаларға арналған арнайы әлеуметтік қызмет көрсету орталығында 14 жастағы тәрбиеленуші көз жұмды, деп хабарлайды Orda.kz.
Бұл туралы Құқық қорғау орталығына мекеме қызметкерлері хабарлаған.
Олардың айтуынша, қайғылы оқиға 28 шілде күні күндізгі ұйқы кезінде болған. Алдын ала мәлімет бойынша, баланың жүрегі тоқтап қалған. Қызметкерлер оның жағдайына орталықтағы аптап ыстық пен бөлмелердің қапырық болуы әсер етуі мүмкін екенін жоққа шығармайды. Дегенмен өлімнің нақты себебі медициналық сараптама қорытындысынан кейін ғана белгілі болады.
Құқық қорғау орталығының мәліметінше, редакцияға мекеме қызметкерлерінің жұмыс чатынан аудиохабарламалар жолданған. Онда тәрбиешілер балалар жатқан бөлмелерге кондиционер орнатуды ұзақ уақыт бойы сұрағандарын айтқан. Алайда олардың өтініштері орындалмаған.
Сонымен бірге қызметкерлер әкімшілік-басқару қызметкерлері отырған кабинеттерге кондиционер орнатылғанын айтып, бұған наразылық білдірген.
«Егер бұл ақпарат расталса, неге алдымен әкімшілікке жайлы жағдай жасалып, ерекше күтімді қажет ететін балалардың қауіпсіздігі екінші кезекке қалғаны туралы заңды сұрақ туындайды» деп жазылған Құқық қорғау орталығының мәлімдемесінде.
Орталық бұл оқиға бойынша жан-жақты тексеру жүргізуді талап етті. Атап айтқанда, бөлмелердегі температура мен желдету жүйесінің жағдайын, климаттық жабдықтардың болуын, балаға медициналық көмектің уақытылы көрсетілген-көрсетілмегенін, сондай-ақ мекеме басшылығы мен жауапты мемлекеттік органдардың әрекетіне құқықтық баға беруді сұрады.
Orda.kz редакциясының сауалына Қостанай облыстық полиция департаменті кәмелетке толмаған баланың өліміне байланысты тексеру басталғанын хабарлады.
«Қазіргі уақытта барлық қажетті процессуалдық іс-шаралар жүргізіліп жатыр. Тексеру қорытындысы бойынша құқықтық баға беріліп, Қазақстан Республикасының қолданыстағы заңнамасына сәйкес процестік шешім қабылданады», деп мәлімдеді полиция.
Әзірге баланың өліміне не себеп болғаны ресми түрде жарияланған жоқ. Тергеу нәтижесі бойынша қосымша ақпарат беріледі.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
