Қостанайда өгей қызын зорлаған ер адам асылып қалды

Қостанай облысында өгей қызын зорлаған ер адам өзіне қол салды, деп хабарлайды Orda.kz Halyqstan телеграм арнасына сілтеме жасап. 

Қайғылы жағдай Қостанай облысының Әулиекөл ауданында болған. 11-сынып оқушысын өгей әкесі зорлаған. Бұған дейін мектеп оқушысы өзіне қол салды деген ақпарат тарады. Бірақ білім басқармасы бұл ақпаратты жоққа шығарды.

Зорлық көрген қыз емес, оның өгей әкесінің асылып қалғаны белгілі болды. Жергілікті тұрғындар ер адам өгей қызына қатысты жыныстық зорлық-зомбылық фактісі ашылғаннан кейін өзін-өзі өлтіргенін айтып жатыр.

Айта кетейік, бұған дейін кісі өлтірді деген айыппен 38 жыл түрмеде отырған адамның жазықсыз екені анықталған еді.