Қостанай облысында блогер 15 миллион теңгемен ұсталды

Қарабалықта полицейлер бопсалады деген күдікке ілінген блогерді парамен ұстады, деп хабарлайды Orda.kz. Полицияның мәліметінше, блогер кәсіпкерді әлеуметтік желіде компромат жариялаймын деп қорқытқан.

Блогерді Қарабалық аудандық ішкі істер бөлімінің қызметкерлері парамен ұстады. Тінту кезінде одан 15 миллион теңге тәркіленді.

Бопсалау фактісі бойынша сотқа дейінгі тергеу басталды. Күдікті уақытша ұстау изоляторына қамалды.

Алматыда Дамир Көшеев пен Руслан Кәрімов есімді екі блогер бопсалады деген күдікпен ұсталғанын бұған дейін жазған болатынбыз.

Блогерлермен бірге кәсіпкер де тергеуге алынды. Полицейлер «әлеуметтік желіде компромат жариялаймыз» деп қорқытып, сегіз миллион теңге бопсалағанын айтады.

Orda.kz тілшісі олардың туыстарымен хабарласып, мән-жайды білген болатын.