Қостанай облысында 14 жастағы жасөспірім бәстесіп суға секіріп, қаза тапты

Қостанай облысында 14 жастағы жасөспірім бәстесіп суға секіріп, қаза тапты. Қайғылы оқиға Лисаковск қаласындағы Қара жартас аумағында болғаны хабарланды. Бұл  жасөспірімдер жиі жартастан суға секіретін орын, деп хабарлайды Orda.kz.

Куәгерлердің айтуынша, мектеп оқушысы суда жақсы жүзе алмаған және достарымен бәстесіп суға секірген. Қостанай облысы ТЖД бұл ақпаратты растады.

«Лисаковск қаласындағы Тобыл өзенінен 2011 жылы туған жасөспірімнің денесі судан табылып, шығарылды»,  деп хабарлады ведомство.

Құтқарушылар жабдықталмаған жерлерде шомылу аса қауіпті екенін ескертіп, балаларды су маңында қараусыз қалдырмауға шақырды.

Оқи отырыңыз:

• Елімізде қатерлі ісік пен сирек ауруларға қарсы дәрі шығарылады
• Венесуэлада 1300-ден астам тұтқын түрмені басып алды