Қордайда алты жасар қызын зорлаған ер адам өмір бойына сотталды

Қордайда алты жасар қызын зорлаған ер адам өмір бойына сотталды, деп хабарлайды Orda.kz. 

Ер адам 2025 жылдың 25 сәуірінде Қордайдағы үйінде мас кезінде 6 жасар қызының дәрменсіздігін пайдаланып, қызына жыныстық сипаттағы зорлық-зомбылық әрекет жасаған.

«2025 жылы 25 сәуірде сотталушы Ж., Қордай ауылындағы өзінің тұрғылықты мекен-жайында мас кезінде жәбірленуші (2019 ж.т.) Р.-ның дәрменсіз күйін пайдаланып, ата-анасы бола тұра, жас балаға  жыныстық сипаттағы зорлық-зомбылық әрекет жасаған. Сот үкімімен Ж. ҚК 121-бабы 4-бөлігі бойынша кінәлі деп танылып, оған өмір бойына бас бостандығынан айыру түріндегі жаза тағайындалды. Сот моральдық зиянның өтемі ретінде 5 млн теңге өндірді» деп жазды Жамбыл сотының баспасөз қызметі.

Үкім заңды күшіне енген жоқ.

Бұған дейін Семейде 12 және 13 жастағы жас балаларға қатысты қылмыс жасаған студент өмір бойына сотталды.