«Қолын байлап кетіп қалған»: Қарағандыда бір әйел 4 жастағы ұлын азаптады

Қарағандыда ұлына дұрыс қарамаған әйел баласын бұрынғы күйеуіне беруге мәжбүр болды, деп хабарлайды Orda.kz. 

Қарағандыда ажырасқан ерлі-зайыптылардың 4 жасар ұлы сот шешімімен анасында қалған. Ал әкесі  алимент төлеп, баламен арнайы кесте бойынша кездесуге рұқсат алған. Кездесулердің бірінде әкесі ұлының денесіндегі көгерген жерді байқайды. Сараптама нәтижесі бойынша, баланың денсаулығына жеңіл зиян келгені, психо-сөйлеу дамуының кешігуі, салмақ тапшылығы және педагогикалық немқұрайлылық белгілері байқалады. 

Кейінірек ер адам ұлын анасынан алып, балаларды қолдау орталығына орналастырғанын біледі. Белгілі болғандай, әйел баласының қолын байлап, оны үйде жалғыз қалдырып, кетіп қалған екен. 

Бұл жағдайдан кейін сот баланы әкесіне қайтарды. 

Айта кетейік, Атырауда 73 жастағы зейнеткер отбасында жанжал болған кезде өзінің 59 жастағы туысын пышақтады.