Көлікке «мықты»  нөмір таңдауға рұқсат 

Қазақстанда жүргізушілерге мемлекеттік тіркеу нөмірін кездейсоқ беруге байланыстырмай, еркін таңдауға мүмкіндік беретін жаңа норма күшіне енеді, деп хабарлайды Orda.kz.

ІІМ ақпараты бойынша, қалаған нөмірді 2026 жылдың 5 қаңтарынан бастап, артық бюрократиясыз және кезексіз АХҚО сервисі арқылы рәсімдеуге болады.

Оның құны қанша?

10 АЕК - таңдалған әріптік немесе сандық үйлесімі бар нөмір үшін (43 250 теңге);

15 АЕК - кеңейтілген комбинациялар үшін (64 875 теңге).

Бұл ретте жоғары сұраныс нөмірлері (танымал және эксклюзивті үйлесімдер) жеке тарифтер бойынша ресімделетін болады - олар үшін арнайы баж салығы көзделген. 

Сонымен үш күннен кейін мемлекеттік нөмір таңбалардың кездейсоқ жиынтығы болудан қалады. Енді бұл көлік иесінің таңдауы мен қалтасына байланысты. Иә, дәл осындай таңдау құқығы жаңа Салық кодексі жобасында қарастырылған.

  
Еске салсақ, елімізде жүргізушілерге өз көлігіне  кез келген әріптік нөмірді таңдауға мүмкіндік беретін құрастырушы 2023 жылы пайда болған еді.

Тақырыпқа сай ұсынамыз:

Шетелдік автокөлікті заңдастыру жолдары.

Шенеуніктер сот төрағасының тойына мемлекеттік көлікпен келген.

Алматыда 19 жастағы жүргізушіге 7 миллион теңге айыппұл салынды.