Шенеуніктер сот төрағасының тойына мемлекеттік көлікпен келген

Шенеуніктер Жамбыл облыстық соты төрағасының тойына мемлекеттік көлікпен келіп, думандатты, деп хабарлайды Orda.kz.

Тараз қаласында Жамбыл облыстық сотының төрағасы Ербол Ахметжановтың 60 жылдық мерейтойы қаланың қақ ортасында орналасқан «Бақсарай» ресторанында өтті. Ербол Ахметжановты құттықтауға шамамен 80 шақты адам жиналды. Олардың ішінде жоғары лауазымды шенеуніктер мен полиция басшылығының өкілдері бар. 

Бәрінен де қызық болып тұрғаны той емес, тойға келушілердің автокөліктері. Олар тойға мемлекеттік көлікпен келген.

Жамбыл аудандық сотының төрағасы Айгүл Шымырова 945 мемлекеттік нөмірі бар қытайлық Haval кроссоверімен мейрамханаға келді. Бір қызығы, көлік сотқа емес, әкімдіктің мәдениет және тілдер бөліміне тиесілі.

Осы кезде бір сұрақ туындайды. Неге басқа ведомствоның қарамағындағы қызметтік көлік судьяның астында жүр? Неліктен автокөлік жеке ол жүруге пайдаланылды? Біз бұл сұрақтарды аудандық судьяның Аса ауылындағы жұмыс орнына барып, жеке өзіне қоюға тырыстық. Бірақ Шымырова ешқандай жауап бермеді.

Алайда этикалық нормаларды бұзған бір-ақ адам емес. Мейрамхана алдында облыстық мемлекеттік кірістер департаментіне тиесілі 008 мемлекеттік нөмірі бар KIA көлігі де тұрды. Әрине, шенеуніктер қызметтік көлікті тек қызметтік міндеттерді орындауға ғана емес, сонымен қатар жеке бастарының жұмыстарына пайдаланып жүргені анық.

Естеріңізге сала кетейік, қызметтік автокөліктерді жеке мақсатта пайдалануға заңмен тыйым салынады. Бұл мемлекеттік қызметшілердің әдеп кодексін бұзып қана қоймайды, сонымен қатар тәртіптік немесе тіпті әкімшілік шараларда қарастырылған заң бұзушылық болып саналады.

Сондай-ақ, Ербол Ахметжановтың өзі де бұл туралы пікір білдіруден бас тартты.