Көлік министрлігі Ресей шекарасындағы кептеліс жайын түсіндірді

Ресей шекарасындағы кептеліс жайын тексеру үшін  ведомство өкілдері өткізу пункттеріне барды, деп хабарлайды Orda.kz.

Қазақстан мен Ресей арасындағы кейбір шекара өткелдерінде 19 қыркүйекте қомақты кептеліс  болды, деп мәлімдеді Бизнес.ФМ басылымы. 

Ең алдымен  үш бағыт туралы сөз болды:

• Желқуар (Қостанай облысы) - Бугристое (Челябі облысы);

• Жайсаң (Ақтөбе облысы) - Веселоярск (Алтай өлкесі);

• Мәмлүт (Солтүстік Қазақстан облысы) - Петухово (Қорған облысы).

 21 қыркүйекте ҚР Көлік министрлігінің мамандары шекарада болып, шынымен де автокөліктердің кептелісте тұрғанын растады. Негізінен бұл Ресейге қарай бейтарап жолақта тұрған жүк көліктеріне қатысты сөз болып отыр.

Көлік министрлігінде кептелістердің пайда болу себептері былайша түсіндірді:

 «Бұл көп жағдайда Ресей Федерациясы тарапынан бақылау шараларының қатаңдатылғанына байланысты. Атап айтқанда, жүктерді тексеру рәсімдері күшейтілді, көлік құралдарын тексеру уақыты ұлғайтылды, сондай-ақ құжаттарды тексеру және санитарлық және фитосанитарлық талаптарды сақтау бойынша қосымша шаралар енгізілді». 

Бұл соңғы айларда Қазақстан-Ресей шекарасындағы алғашқы оқиға емес. Шілде айының басында Ресей визасыз елдерден келген шетелдіктерді RU ID қосымшасына тіркеуге және 72 сағат бұрын келетінін ескертуге міндеттегеннен кейін осындай кептелістер пайда болды.

Қазақстан-Ресей мемлекеттік шекарасы туралы келісімге 2005 жылдың 18 қаңтарында Мәскеуде қол қойылған.

Ресейлік басылымның мәліметінше, «Транснефть» Қазақстан мен Ресейдің Энергетика министрліктері жанындағы жұмыс тобы  Ресей мұнайының Қазақстан арқылы транзитін 25%-ға, яғни  жеткізілім көлемін 10 миллион тоннадан 12,5 миллион тоннаға дейін арттыруды көздеп отыр.