ҚМДБ кибербуллингке қатысты шариғат бойынша пәтуа шығарды

ҚМДБ ғұламалар кеңесі кибербуллингке және буллингтің кез келген түріне шариғат тұрғысынан қатаң тыйым салатын пәтуа шығарды, деп хабарлайды Orda.kz.

Қазақстан діни мұсылмандар басқармасының мәліметінше, шариғатта біреуді қорқытуға, қорлауға, мазақ етуге, айыбын ашуға, кемсітуге тыйым салынған.

Пайғамбарымыз (оған Алланың салауаты мен сәлемі болсын) былай дейді: «Мұсылман үшін мұсылман бауырын өзінен төмен санаудан (кемсіту, қорлау) асқан жамандық жоқ. Мұсылманның қаны, дүние-мүлкі және ар-намысы өзге мұсылмандарға – харам»[4]. Тағы бір хадисте: «Мұсылманның мұсылманды қорқытуы – халал емес», – деп мысал келтірді ҚМБД.

ҚМБД шығарған нақты шешімге тоқталар болсақ:

• Біреудің жеке жазбаларын, суреттерін, бейнежазбаларын шығарамын деп қорқыту, біреудің дінін не мәдениетін кемсіту және т.б. кибербуллингтің түрлеріне тыйым салынады.
• Бұған өсек пен жалған ақпарат тарату, біреудің жеке жазбаларын, суреттерін, бейнежазбаларын шығарамын деп қорқыту, әлеуметтік желілерде біреуді қорлап жазбалар қалдыру және оны қолдап «лайк» басу, біреудің дінін не мәдениетін кемсіту т.б. жатады.
• Реляцион булинг (әлеуметтік агрессия) – бір адаммен қарым-қатынас құру арқылы оған зиян келтіру, кемсіту. Сондай-ақ реляцион буллинг түсінігін бір адам басқа жанның репутациясына кір келтіргісі келген, оның қоғамдағы беделіне нұқсан келтіруді ойлап жасаған әрекетін сипаттағанда да қолданады.