Кірме жолдарды мемлекет меншігіне беру рәсімі аяқталды

Кірме жолдарды мемлекет меншігіне беру рәсімі аяқталды.

Бұл туралы  Көлік министрлігі хабарлады.

600-ден астам теміржол кіреберіс жолдары «Көліктік қызмет көрсету орталығы» акционерлік қоғамының сенімгерлік басқаруына берілді. Cұранысын толық қанағаттандыру үшін 22 мыңға жуық шпал, 42 мыңнан астам темір жол төсемдері және 3 мыңға жуық арқалықтар мен басқа да материалдар ауыстырылды. 

 Сонымен қатар, TUVRheinland халықаралық компаниясымен жасалған келісімге сәйкес, «CFTS» АҚ қызметі сапа менеджменті жүйесі, еңбекті қорғау және қауіпсіздік бойынша бірінші рет сертификатталды.

Естеріңізге сала кетейік, 100% мемлекет қатысатын «CFTS» АҚ теміржол кіреберіс жолдарының тұтынушыға бағытталған ірі теңгерім ұстаушылардың бірі болып табылады. Кәсіпорын жылжымалы құрамның өтуіне, маневрлік жұмыстарға, тиеу-түсіруге, сондай-ақ жылжымалы құрамды тұраққа қоюға арналған кірме жолдармен қамтамасыз ету қызметтерін көрсетеді.

Бұған дейін Астана қаласының мамандандырылған ауданаралық экономикалық соты көлік прокуратурасының сыйға тарту шартын жарамсыз деп тану туралы талап арызын қарады. Нәтижесінде  Қайрат Сатыбалды 629 кірме жолды мемлекетке қайтарды.