Кенесары хан үшін кешірім сұраған қырғыз әншісіне қылмыстық іс қозғалды

Қайрат Примбердиев Кенесары хан туралы айтқан сөздерінен кейін он жылға дейін бас бостандығынан айырылуы мүмкін, деп хабарлайды Orda.kz.

Қырғыз Республикасының Мемлекеттік ұлттық қауіпсіздік комитеті хабарлағандай, әнші «нәсілдік, этникалық, ұлтаралық және діни араздық қоздыру»  бабы бойынша айыпталуда. 

ҰҚКК мұндай қылмыс үшін қылмыстық жауапкершілік — он жылға дейін бас бостандығынан айыру қаупі бар екендігі туралы ескертті.

Еске сала кетейік, Қайрат Примбердиев «Airan» YouTube-арнасына берген сұхбатында ол Кенесары ханның басын алу оқиғасын қозғап, осы жағдай үшін қазақ халқынан өз атынан кешірім сұраған. 

Осы сөздерден кейін Примбердиевтің айтуы бойынша, оның айтқан сөздеріне қатысты әлеуметтік желілерде түрлі пікірлер мен қарсылықтар пайда болған. Бірқатар қолданушылар әншінің бұл тақырыпты көтергенін орынсыз деп есептеді. Осыдан кейін Қайрат өзінің Instagram парақшасында видео арқылы жағдайды түсіндіруге мәжбүр болды.

Кейін Қырғыз Республикасының Мәдениет министрінің орынбасар Марат Тағаев әншіні сынға алды. Ол «мұндай құбылыс пен көршілес елдерден келген пропаганда жастар мен мәдениет қайраткерлеріне әсер етеді» деп мәлімдеді.