Кейіпкердің әдепсіз сөзі үшін актер жазаланбайды

Астана соты сериал түсіру барысында әдепсіз сөз сөйлеген актердің әрекетінен әкімшілік құқық бұзушылық құрамын тапқан жоқ, деп хабарлайды Orda.kz.

Елордалық соттың баспасөз қызметінің хабарлауынша, актерді ұсақ бұзақылыққа қатысты бап бойынша сотқа берген. Наурыз айының соңында ер адам YouTube-ке «Ганюшкино департаменті» сериалының үзіндісін шығарды, онда оның кейіпкері басқа кейіпкермен әңгімелескенде әдепсіз сөздер айтады.

Актер кінәсін мойындамады және өзі кейіпкерін сомдап тұрғанын  түсіндірді. Оның айтуынша, жаман сөздер режиссерден алған сценарийде болған, ал оның міндеті тек рөлді сомдау ғана. Сондықтан оның өзі емес, жаман сөздер айтқан оның кейіпкері . Ол жеке өзінің  ешкімді қорлайтын ниеті болмағанын айтты.

Сот актерді ақтап, қылмыс құрамы жоқ болғандықтан істі тоқтатты. 

Бұған дейін Алматы соты Qaznews24 сатиралық инстаграм-пабликтің авторы Темірлан Еңсебекті бес жылға бас бостандығын шектеген болатын. Еңсебек өзінің Instagram-дағы постында «Йоу, орыстар» әнін қолданған. Қазір блогердің қорғаушысы үкімге шағымдануға тырысуда.