TikTok атышулы «Йоу, орыстар» әнін алып тастады

Мәдениет министрлігі онлайн-платформа әкімшілігіне хабарласқан соң әлеуметтік желі тректі жойды, деп хабарлайды Orda.kz ТАСС-қа сілтеме жасап.

Басқарма мұндай үндеулерді бірқатар интернет-ресурстар мен онлайн платформаларға жолдаған.

Мәдениет және ақпарат вице-министрі Евгений Кочетовтың айтуынша, ән немесе оның фрагменттері «22 шетелдік интернет-ресурста және TikTok (12), YouTube (8) және ВКонтакте (2) онлайн платформаларында болған».

«Барлық анықталған материалдар бойынша бұзушылықтарды жою бойынша шара қабылдау үшін интернет-ресурстар мен онлайн платформалардың әкімшіліктеріне хабарлама жіберілді», - деді мәдениет министрлігі басшысының орынбасары. 

17 қаңтарда полицейлер тінту жүргізіп, QazNews24 сатиралық парақшасының әкімшісі Темірлан Еңсебекті ұстады. Екі күннен кейін ол Қазақстан Республикасы Қылмыстық кодексінің 174-бабы – ұлтаралық араздық қоздыру белгілері бар «Йоу, орыстар» әнін жариялағаны үшін уақытша ұстау изоляторына жабылды.