Кедендік рәсімдерді жеделдету үшін заңсыз делдалдық қызмет көрсететіндер ұсталды

ҰҚК Түркістан облысында шекарада заңсыз «көмекші» қызметін ұйымдастырған қылмыстық топтың жолын кесті, деп хабарлайды Orda.kz.       

Арнайы операция 12 маусым күні полициямен бірлесіп, прокуратураның үйлестіруімен өткізілді. Тергеу деректеріне сәйкес, топ мүшелері ауыр жүк көліктерінің жүргізушілеріне шекарадан өту кезінде кедендік рәсімдерді жеделдету үшін заңсыз делдалдық қызмет көрсеткен.

Қазіргі таңда 17 адамға қатысты сотқа дейінгі тергеу басталып, олардың бесеуі уақытша ұстау изоляторына қамалды. Тінту барысында 5 бірлік атыс және пневматикалық қару, қомақты қаржы және басқа да дәлелдемелер тәркіленді.

ҚР ҚПК-нің 201-бабына сәйкес өзге мәліметтер жария етілмейді.

Оқи отырыңыз:

• ІІМ дрон операторларын оқытып, әуеден әрекет етуге дайындайды
• Ақмола облысында 221 млн теңге табысқа кенелген заңсыз вейп саудасы тоқтатылды
• 368 млн теңгенің плиткасы: Павлодарда скверді жөндеу сметасынан күмәнді шығын шықты