ҚБТУ-дағы өрт өршіп, үшінші деңгейге жетті

Қазақстан-Британ техникалық университетінде шыққан өртті өшіру қиындап барады. Өрт үшінші деңгейге жетті, деп хабарлайды Orda.kz.

Orda.kz ботына келген сол маңдағы тұрғындардың видеосы мен ақпараттарына сүйенсек, университеттің шатыры тұтас өртке ұласып жатыр. Өрт түтіні қаланың барлық жағынан анық көрінуде.

«ҚБТУ шатыры ашық жалынмен жанып жатыр. Өртке үшінші деңгейлі жоғары дәреже беріліп, сөндіру жұмыстары ғимарат құрылымының күрделілігіне байланысты қиындық тудырып жатыр», – деді Алматы қаласы ТЖД басшысының орынбасары Шайзат Бағдат.