Қазақтарды «мамбет» деген Алика Мухамадиева 2 айға қамалды

Қазақтарды «мамбет» деп жазба жазған Алика Мухамадиеваны Қарағандының тергеу соты 2 айға қамады, деп хабарлайды Orda.kz.

Қарағанды полиция департаментінің мәліметінше, оған ұлттық алауыздық қоздырды деген айып тағылды. Сондай-ақ, тергеу кезінде оның шетелге кетуді көздегені де белгілі болды.

«22 шілдеде Қарағанды қаласының тергеу соты өтініш хатты қанағаттандырып, тергеу кезеңінде екі ай мерзімге қамауға алу түріндегі бұлтартпау шарасын санкциялады. Іс бойынша сотқа дейінгі тергеу жалғасып жатыр, қажетті сараптамалар тағайындалды. Тергеу нәтижелері бойынша негізделген процессуалдық шешім қабылданады», деп жауап берді Қарағанды облысының полиция департаменті. 

Еске сала кетейік, Orda.kz Threads-ке жазған жазбасы үшін қарағандылық модель Алика Мухамадиеваға 7 жылға дейін бас бостандығынан айырылуы мүмкін екенін жазған еді.