Қазақстанға Қытай мен Түркиядан көшіп келетіндер саны артты

2024 жылдың бірінші жартысында Қытай елінен 1173 адам, ал Түркиядан 248 азамат Қазақстанға көшіп келді.

Сонымен қатар 5 мыңға жуық адам Өзбекстан, Ресей, Моңғолия және Түркіменстаннан Қазақстанға қоныс аударды. Бұл өткен жылмен салыстырғанда 4 пайызға көп. 

Ал Қазақстаннан кететіндердің саны 0,6 пайызға азайды. Бұл былтырғыға қарағанда 7 мыңға аз. 5 мың қазақстандық  Ресейге, 973 Германияға, 191 АҚШ-қа, 180 адам Польшаға қоныс аударған. Сонымен қатар Қырғызстан, Өзбекстан, Канадаға көшкендері де бар.

Еске сала кетсек, Orda.kz қазақстандықтардың шетелге кетіп жатқаны маңызды мәселе болған соң, елдегі экономикалық жағдайды саралап, Кореяда жұмыс істеп келген азаматтан сұхбат алған болатын.