«Қазақстанға келіп, жар табамыз» деді – Павел Дуров

Павел Дуров Қазақстанға не себепті келе жатқанын айтты, деп хабарлайды Orda.kz.

Астанада IT-саласының кәсіпкерлері, инвесторлары мен сарапшыларын біріктірген ең ірі технологиялық форум – Digital Bridge 2025 өз жұмысын бастады.

Басты спикерлердің бірі Telegram негізін қалаушы Павел Дуров болады. Ол сөз барысында Қазақстанға қатысты көп тараған пікірді әзілмен атап өтті:

«Көптеген табысты адамдар маған «Қазақстанға келіп, жар табамыз» деп айтқан еді. Өкінішке қарай, мен бұндай мақсатпен келген жоқпын, мен мұнда жасанды интеллект туралы айту үшін келдім», – деді ол.

Айта кетейік,Астанада 2 қазан күні Қасым-Жомарт Тоқаевтың қатысуымен өтетін Digital Bridge 2025 форумына Павел Дуров келді.