Денсаулығың көтермесе - көлік жүргізбе: 1787 адамның жүргізуші құқығы жойылды

Денсаулық сақтау министрлігі ІІМ-мен бірлесіп диспансерлік есепте тұрған 370 мыңға жуық адамды тексеріп шықты, деп хабарлайды Orda.kz.

Тексеріс көрсеткендей, 273 819 азаматтың ешқашан жүргізуші куәлігі болмаған, олардың 41 677-сінің күші жойылған, 54 мыңнан астам адамның куәлігі әлі де бар болып шыққан.

Нәтижесінде сотқа 4,5 мың талап арыз жолданды. 2025 жылдың желтоқсанындағы жағдай бойынша 1787 адамның жүргізуші құқығы жойылды.

Енді психоневрологиялық және наркологиялық есепте тұрған қазақстандықтар туралы деректер екі ведомство арасында автоматты түрде, нақты уақыт режимінде беріледі.

Бүкіл елді сілкінткен қайғылы оқиғаны еске алайық. Өткен жылдың тамыз айында Toyota жүргізушісі балаларды өз үйінің қақпасының алдында қағып кеткен. Жол жүріп келе жатып жүргізушінің  ұстамасы (эпилепсия) ұстап қалған. Диагнозына қарамастан ер адам көлік жүргізіп жүрген. Жол-көлік оқиғасы кезінде төрт бала қаза тауып, екеуі ауыр жарақат алды.

Тақырыпқа сай ұсынамыз:

• Талдықорғанда үй өртеніп, төрт бала мен анасы жансақтау бөліміне түсіп, әкесі қайтыс болды
• Павлодар облысында жол-көлік оқиғасынан үш ересек адам мен бір бала қаза тапты
• Төрт жасар баланың басы көліктердің арасына қысылып қалды