Қазақстандық жас спортшылар джиу-джитсудан өткен әлем чемпионатынан жүлдемен оралды

Испанияның Мадрид қаласында өткен комбат джиу-джитсу бойынша Әлем чемпионатында Жетісу облысы Алакөл ауданының жас спортшылары жүлделі орындарға ие болды, деп хабарлайды Orda.kz.

Жасөспірімдер арасында өткен жарыста 3 бірдей спортшы жүлдемен оралды.

• Бақдәулет Серікқали — алтын медаль;
• Максим Белаусов — күміс медаль;
• Даниял Қайратұлы — қола медаль.

Спортшылардың жетістігінің артында тәжірибелі бапкер, аудан жастарының сеніміне ие Арнұр Нұрланұлы тұр. Ол Алакөл ауданындағы балалар мен жасөспірімдер спорт мектебінде комбат джиу-джитсу бойынша жаттықтырады. Оның жетекшілігімен секцияда жас спортшылар 2010 жылдан бері дайындалып келеді. Шәкірттері соңғы жылдары халықаралық деңгейде тұрақты жүлде алып жүр. 

Еске сала кетсек, Қазақстандық кәсіпқой боксшы Жәнібек Әлімханұлы допинг қолданды деген күдікке ілінді. Жәнібек Әлімханұлы допинг-тестке қатысты өз ойын айтып, өзінің таза спортты қолдайтынын ашық айтты. Оның айтуынша, бірінші тест бәрін таза деп көрсеткен.