Қазақстандық турист Ыстықкөлде 14 жастағы қызды соққыға жықты

Ыстықкөл жағалауындағы Бостері ауылындағы жағажайда жанжал шықты. Қазақстаннан келген әйел 14 жастағы қызға жұдырық жұмсаған, деп хабарлайды Orda.kz

Зардап шеккен кәмелетке толмаған қырғызстандық қыз ауыр жағдайда ауруханаға жеткізілді. Дәрігерлер қыздың миы шайқалып, мұрны сынғанын анықтады.

Оқиға куәгерлерінің айтуынша, жанжал әйел демалып отырған жердің маңына қоқыс тасталғаннан кейін басталған. Сондай-ақ олардың сөзінше, оқиғадан кейін әйел босатылған.

«Әйел былапыт сөздер айтып, қызды мойнынан ұстап алды. Айналадағылар тоқтатпақ болғанда: «Мен әлі ұрған да жоқпын», – деп жауап берді. Содан кейін жасөспірімді жерге жығып, ұра бастады», – деді куәгер.

Оқи отырыңыз:

Аятолла Мұджтаба Хаменеи қарсылықты жалғастыруға шақырып, АҚШ-пен келісім шарттарын атады

Әскери бөлімнен таңертең шығып кеткен: Өскеменде сарбаз іздестірілуде