Қазақстандық кәсіпкерге тиесілі Ыстықкөл пансионатының директоры қамауға алынды

«Симирам» пансионатының директоры Самат Азиров шілде айында ұсталған еді. Ыстықкөл жағажайында орналасқан демалу орталығы бизнесмен Ясынжан Такировқа тиесілі. 

Қырғызстандық БАҚ жазып отырғандай, Бішкек соты Азировты 4 қыркүйекке дейін қамауға алды. 

Бұған дейін хабарланғандай, Ясынжан Таиров марқұм қылмыстық беделді Қамшы Көлбаевтың қылмыстық тобын қаржыландырды деп күдіктелген. Тергеу нұсқасы бойынша қазақстандық кәсіпкер Көлбаевқа 200 мың доллар беріп, сый-сыяпат пен демалыс базасынан коттедж ұсынған. 

Еске сала кетсек, Orda.kz Таировқа Интерпол желісі бойынша халықаралық іздеу салынғанын жазған болатын.

Симирам пансионаты жанжалдың ортасында бірнеше рет болды. 2019 жылы Ыстықкөл АІІБ бастығы сол жерден коттедж сатып алды деген қауесет тарады. Алайда демалыс базасының директоры Самат Азаров мұны жоққа шығарды. Соған қарамастан, елдің ішкі істер органдары тексеруді бастады. Сонымен қатар, пансионат экологиялық және техникалық қауіпсіздік талаптарына сәйкес келмегені үшін сынға алынды.