Қазақстандық боксшы Санжар Тәшкенбай әлем кубогында топ жарды

Қазақстандық боксшы Санжар Тәшкенбай 50 келіге дейінгі салмақ дәрежесінде үздік атанып, Әлем кубогының алтын медалін жеңіп алды, деп хабарлайды Orda.kz.

Финалдық жекпе-жекте екі дүркін әлем чемпионы Өзбекстан өкілі, Азия чемпионы Асылбек Жалиловпен кездесті. Кездесу тартысты әрі тең деңгейде өтті. Қорытындысында төрешілер 3:2 есебімен жеңісті қазақстандық спортшыға берді.

Тәшкенбай алтын медальға дейінгі жолында турнирді сенімді өткізді. Ширек финалда ол Қырғызстан өкілі Анваржан Ходжиевті 5:0 есебімен айқын жеңсе, жартылай финалда дәл осындай есеппен испаниялық Мартин Молина Сальвадордан басым түсті.

Осылайша, Санжар Тәшкенбай Қазақстан құрамасының қоржынына Әлем кубогының тағы бір алтын медалін қосты.

Бұған дейін Назым Қызайбай Қытайда өткен бокстан Әлем кубогында алтын жүлде жеңіп алғанын хабарлаған едік. Сонымен қатар, Қазақстанға алтын медальдарды Абылайхан Жүсіпов пен Виктория Графеева да әкелді.

Оқи отырыңыз:

• Назым Қызайбай Қытайда өткен бокстан Әлем кубогында алтын медаль жеңіп алды
• Өзбекстан құрамасы футболдан әлем чемпионатындағы дебюттік матчта Колумбиядан жеңілді
• Ақтөбеде қатты дауыл үйлердің шатырын ұшырып, жабындыларды жұлып алды