Қазақстандық банк жүйелерін балағаттаған ресейлік қамауға алынды

Алматыға келген ресейлік әйел әлеуметтік желілерде Қазақстанның банк жүйесіне қатысты бейәдеп сөздер айтып түсірілген бірқатар видеожазбалар жариялаған болатын. Оған қатысты әкімшілік іс қозғалды, деп хабарлайды Orda.kz.

Threads-та осыған қатысты видеожазбалар пайда болды. Онда бір әйел бюрократияның салдарынан банктік карта аша алмай жүргенін айтып шағымданады. Алайда ол әр бірнеше сөз сайын бейәдеп сөздерді араластырып сөйлейді.

«Екінші күн қатарынан мен құжаттармен жүгіріп жүрмін, шетелдік банк картасын алу үшін. Бл*, білесіздер ме, мен өзімді Қазақстанда жүрген өзбек сияқты сезінемін, бл*», – дейді ол видеода.

Оның бұл сөздері қоғамда үлкен резонанс тудырды. Қазақстандықтар оның әрекетіне наразылық білдіріп, жауапкершілікке тартуды талап етті. Полиция видеожазбаға назар аударып, әрекет етті. Тексеру жүргізілді.

«Ұсақ бұзақылық фактісі бойынша әкімшілік іс қозғалды. Материалдар сотқа жолданды», – деп хабарлады полиция.

Алматы соты құқық бұзушыға 10 тәулік әкімшілік қамау жазасын тағайындады.

Оқи отырыңыз: 

• Forbes жариялаған Қазақстандағы 44 жасқа дейінгі ең бай сегіз бизнесмен кім?
• Түркістан саммиті: Түркі әлемінің цифрлық болашағына бағытталған стратегиялық қадам