Қазақстандық балуандар Тоқаевтан марапат алды

Президент Загребте өткен күрес түрлері бойынша әлем чемпионатында ерекше көзге түскен спортшылар мен бапкерлерді марапаттады, деп хабарлайды Orda.kz Ақордаға сілтеме жасап.

«Құрмет» орденімен Айдос Сұлтанғали, Нұрқожа Қайпанов және Камал Гаджимағомедов марапатталды.

«Ерен еңбегі үшін» медалімен Асылжан Есенгелді мен Еркебұлан Кешубаев марапатталды.

Сондай-ақ, Тоқаев «Спортты дамыту дирекциясы» РМК бапкері Юрий Мельниченкоға алғыс білдірді.

Бұған дейін мемлекет басшысы әлем чемпионатындағы жеңістері үшін қазақстандық боксшыларды да марапаттаған болатын.

Айдос Сұлтанғали 2025 жылы Хорватияның Загреб қаласында өткен әлем чемпионатында финалға шыққан  алғашқы қазақстандық балуан атанды.

Еске салсақ, жақында  Алматыда шахматтан балалар арасындағы әлем чемпионаты өтіп, оған 88 елден 850 спортшы келді.