88 елден 850 спортшы келді: Алматыда шахматтан балалар арасындағы әлем чемпионаты ашылды

Шахматтан балалар арасындағы әлем чемпионаты 88 елден 850-ден астам жас спортшының басын қосты.  Олардың ішінде Қазақстаннан 231 ойыншы, оның ішінде Алматыдан 47 ойыншы қатысып отыр, деп хабарлайды Orda.kz.

FIDE World Cadet Chess Championships  - шахматтан  8-12 жас аралығындағы балалар үшін ең маңызды және беделді оқиғалардың бірі.

Ашылу салтанаты Балуан Шолақ атындағы спорт-концерт кешенінде өтті.

«Мұндай турнир өткізу қала мен ел үшін өте маңызды. Алматы зияткерлік жетістіктер, достық пен мәдени алмасу орталығына айналып келеді», - деді қала әкімі Дархан Сатыбалды.

Чемпионаттың ашылуына сондай-ақ ҚР премьер-министрінің орынбасары Ермек Көшербаев пен ФИДЕ президенті Аркадий Дворкович қатысты.

Чемпионат 30 қыркүйекке дейін жалғасады. Жеңімпаздар алты жас санатында анықталады, Әлем чемпионаты аясында барлығы 11 тур өтеді.

Еске салсақ, елімізде жасөспірімдерді  заңсыз діни құрылымға тартқандар заң алдында жауап береді.