Қазақстандағы мыс саласы қайтадан Владимир Ким мен Эдуард Огайдың қолына өтті

Ақпан айында Aidarly Project компаниясы акционерлік құрамында өзгеріс болды, 68,95% үлеске ие болған «Қазақмыс корпорациясы» ЖШС-ның орнына «Qaz Copper Group» ЖШС келді. Екінші акционер — 31,05% үлесі бар нидерландтық Aidarly B.V. өзгеріссіз қалды, деп хабарлайды Orda.kz. 

Осылайша, «Қазақмыстың» бұрынғы еншілес компанияларының біріндегі ірі үлес мыс корпорациясының жаңа иесі Нұрлан Артықбаевтан оның бұрынғы иелері — Владимир Ким мен Эдуард Огайға өтті. Акционерлік құрамдағы бұл өзгеріс 2026 жылғы 18 ақпанда болды.

«Қазақмыс корпорациясы» ЖШС 2026 жылғы қаңтардан бері кәсіпкер, Qazaq Stroy иесі Нұрлан Артықбаевқа тиесілі болды. Ол 2024 жылғы желтоқсанда жеке Qazaq Acquisition Corp. Ltd. компаниясы арқылы иеленеді.

Ал «Qaz Copper Group» ЖШС 2025 жылғы желтоқсанда құрылған. Оның тікелей құрылтайшысы — «Kazakhmys Copper» АҚ, ал түпкілікті бенефициарлары — Владимир Ким мен Эдуард Огай (бірқатар компаниялар арқылы). Артықбаевқа сатылғанға дейін дәл осы тұлғалар «Қазақмыс корпорациясына» иелік еткен.

«Aidarly Project» АҚ Жезқазған қаласында тіркелген және Абай облысы аумағындағы Айдарлы мыс кен орнында жұмыс істейді. Компания 2006 жылы барлау және өндіру бойынша келісімшарт алған. Бұл келісімшартты оған құрылтайшысы — «Қазақмыс корпорациясы» берген, ал 2015 жылы құжат өз атына қайта рәсімделген.

Еске сала кетейік, Владимир Ким Forbes Kazakhstan бай бизнесмендерінің рейтингінде 3-ші орында тұр. Оның байлығы $5,7 млрд-қа бағаланады, сондай-ақ ол 2025 жылы Қазақстанның ең ықпалды бизнесмендері рейтингінде алтыншы орында болды. Эдуард Огайдың  $761 млн байлығы бар, ол байлар арасында 14-орында және ең ықпалды адамдар тізімінде 11-орында.

Оқи отырыңыз:

• Қара халықтың «қанын қайнатқан» қолжетпес тариф кімнің қалтасын қампайтып жатыр?
• Forbesтің  әлемдік тізіміндегі  ең бай бес қазақстандық