Қазақстанда Kуzdar.net ісі бойынша алғашқы үкім шықты

10 шілде 2026 08:14 Ләззат Нұрсапақызы

Коллаж: Orda.kz

Петропавл қаласында сот тыйым салынған сайтта интимдік қызмет ұсынатын анкеталарды жарнамалаған алты адамды кінәлі деп таныды, деп хабарлайды Orda.kz.

Солтүстік Қазақстан облысы прокуратурасының мәліметінше, күдіктілерге айып осы жылдың наурыз айында тағылған.

«Топтың заңсыз қызметі белгіленген тариф бойынша ақшалай сыйақыға интимдік қызмет көрсететін тұлғалардың анкеталарын таратуға негізделген».

19 маусым күні Солтүстік Қазақстан облысының қылмыстық істер жөніндегі мамандандырылған ауданаралық соты елде алғаш рет Kуzdar.net арқылы жеңгетайлыққа жәрдемдесу фактісі бойынша үкім шығарды.

Барлық қатысушылар кінәлі деп танылды. Топ жетекшісі 10 жылға бас бостандығынан айырылды, қалғандары сегіз жылдан жаза алды. Үкім әзірге заңды күшіне енген жоқ.

Kуzdar.net сайтының болжамды ұйымдастырушыларының ұсталғаны туралы бұған дейін жазған едік. Тергеу деректеріне сәйкес, сайт иелеріне екі миллиард теңгеден астам заңсыз табыс әкелген. Тінту барысында күдіктілерден ірі көлемде қолма-қол ақша, цифрлық активтер, компьютерлік техника және басқа да айғақтар тәркіленген.

Кейін Алматы қаласы полициясы күдіктілерден қымбат мүлік табылғанын хабарлады, оның ішінде бес пәтер, алты коммерциялық нысан, алты коттедж, он жер телімі, Алматы қаласы мен Алматы облысында алты автотұрақ орны, сондай-ақ премиум санаттағы 11 автокөлік. Бұдан бөлек, олардың атына сегіз компания тіркелген.

Kуzdar.net туралы толығырақ ақпаратты төмендегі сілтемелерден оқи аласыз.

Оқи отырыңыз:

Жаңалықтар

барлық жаңалықтар