Қазақстанда электрмобиль нөмірлері жасыл болуы мүмкін

Президент Тоқаев Қазақстанда электр көліктері үшін арнайы мемлекеттік тіркеу нөмірлік белгілерін енгізуді қарастыратын заңға қол қойды, деп хабарлайды Orda.kz.       

Аталған норма «цифрландыру, дербес деректерді қорғау, жол жүрісі және көліктегі озық технологияларды реттеу мәселелері бойынша өзгерістер мен толықтырулар енгізу туралы» заңның 70-бабына енгізілген.

Жаңа үлгідегі нөмірлердің нақты түсі мен дизайны заңда көрсетілмеген. Оларды Ішкі істер министрлігі қосымша нормативтік-құқықтық актілер арқылы бекітеді.

Бұған дейін Ішкі істер вице-министрі Санжар Әділовтің айтуынша, әлемдік тәжірибеде электрмобильдердің нөмірлері көбіне жасыл түспен белгіленеді. Қазақстан да осы үлгіні қолдануы мүмкін.

Оқи отырыңыз:

• Электромобиль сатылымы әлемнің 100 елінде рекордтық көрсеткішке жетті
• Tesla Қытайда электромобиль бағасын төмендетті
• Ердоған Тоқаевқа Түркияда жасалған электромобиль тарту етті