Қазақстанда халықаралық есірткі арнасының күдікті ұйымдастырушысы тұтқындалды

Қазақстанда есірткі жеткізудің халықаралық арнасының күдікті ұйымдастырушысы тұтқындалды, деп хабарлайды ұлттық қауіпсіздік комитетінің баспасөз қызметіне сілтеп Orda.kz.

«Астана және Алматы қалалары бойынша ҰҚК департаменттері прокуратура органдарын үйлестірумен бірге елімізге синтетикалық есірткі жеткізудің халықаралық арнасының жолын кесті. Қабылданған шаралар арқылы есірткі арнасын ұйымдастырушы деп болжанған адам тұтқындалды» деп жазылған хабарламада. 

Сонымен қатар, Алматы облысы бойынша ҰҚКД жедел қызметкерлері прокуратураның қолдауымен есірткінің ірі партиясы бар қойманы анықтады.

Есірткі заттарын сақтады деген күдік бойынша сот санкциясымен Қазақстан азаматы қамауға алынды.

Алдын ала деректер бойынша, есірткі интернет арқылы өңір аумағында жұмыс істейтін ірі есірткі дүкенінің мүддесімен сатылған.

Осы іс-шаралардың нәтижесі бойынша 18 келі психотроптық заттар мен 500 литрден астам прекурсорлар алынғаны көрсетіледі.

«Қылмыстық кодекстің 297-бабының 3-бөлігі бойынша сотқа дейінгі тергеу жүргізілуде» деп жазылған хабарламада.

Жақында ҰҚК қызметкері «Борат» интернет-дүкенінде есірткі жасырушы болып жұмыс істегені үшін ұсталды. 

Елімізде 2024 жылы  есірткі қылмысына қарсы күрес комитеті  құрылды.

Былтыр Мәжіліс депутаты Асхат Аймағамбетов өзінің Telegram-арнасында есірткі бизнесіне қатысы бар шенеуніктерді өмір бойына жазалауды ұсынды. 

Биылғы ақпан айында Алматы облысындағы қаржы мониторингі есірткі саудасы бойынша сотқа дейінгі тергеп-тексеру нәтижесінде сот үкімі бойынша айыпталушы 16 жылға бас бостандығынан айырылды.