ҰҚК қызметкері есірткі таратқаны үшін ұсталды

ҰҚК қызметкері «Борат» интернет-дүкенінде есірткі жасырушы болып жұмыс істегені үшін ұсталды,деп хабарлайды Orda.kz.

9 ақпанда Петропавлда Солтүстік Қазақстан облысы Полиция департаментінің есірткі қылмыстарымен күрес басқармасының қызметкерлері Қазақстан Республикасының Ұлттық қауіпсіздік комитеті Шекара қызметінің кіші сержанты, 37 жастағы Б. К.-ны ұстады. Бұл туралы ZTB NEWS редакциясына құқық қорғау органдарындағы дереккөз хабарлады.

Құқық қорғау органдарының мәліметінше, шекарашы Астанадан Петропавлға «Борат» республикалық интернет-дүкеніне «тасымалдаушы» болып жұмыс істеу үшін көлікпен келген. Алайда рейд кезінде оны есірткі қылмыстарымен күрес басқармасының қызметкерлері ұстаған.

Тінту кезінде оның көлігінен полиция қызметкерлері мыналарды тапты:

• шамамен 10 грамм белгісіз зат салынған орам, 
• жалпы салмағы 520 грамм болатын екі «зиплок» пакетімен ұнтақ,
•  шамамен 10 грамм өсімдік тектес зат салынған екі орам.

 Барлық тәркіленген заттар сараптамаға жіберілді.

Қазіргі уақытта полиция ҚК 297-бабының 1-бөлігі («Есірткіні сату үшін заңсыз өндіру, қайта өңдеу, сатып алу, сақтау, тасымалдау немесе жеткізу») бойынша сотқа дейінгі тергеу жүргізуде. Құқық қорғаушылар іс бойынша мән-жайды анықтап, басқа тұлғалардың қатысын тексеріп жатыр.