Қазақстанда бейрезидент тұлғаларға банк шоттарын ашу тәртібі өзгереді

Қазақстанда резидент емес тұлғаларға банк шоттарын ашу тәртібін өзгертуге қатысты қаулыға түзетулер жобасы қаралып жатыр, деп хабарлайды Orda.kz.       

Қаржы нарығын реттеу және дамыту агенттігі басқармасының қаржы нарығын реттеу, қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл мәселелері жөніндегі қаулысына енгізілетін түзетулер жобасының сипаттамасы жарияланды.

«Жоба банктердің клиенттердің операцияларын мониторингтеу, зерттеу және талдау кезінде тәуекелге негізделген тәсілді қолдануды, сондай-ақ Қазақстан Республикасының резидент емес тұлғаларына банк шоттарын ашу рәсімдерін оңтайландыруды қарастырады» деп жазылған хабарамада. 

Құжатқа сәйкес, жоба қаржы ұйымдарына түсетін артық реттеушілік жүктемені азайту, сондай-ақ қолданыстағы заңнамалық актілерге сәйкестендіру мақсатында әзірленген.

«Жоба қаржы жүйесінің ашықтығын арттыруға және оған деген сенімді нығайтуға бағытталған»  деп жазылған құжатта. 

Еске салсақ, 2022 жылы Қазақстандық банктерге ресейліктердің бұрын-соңды болмаған ағынынан кейін еліміздегі  банктер шот ашқысы келетін шетелдіктерге қойылатын талаптарды күшейткен болатын.

Украинадаға арнайы операция бастағаннан кейін ресейліктер санкцияға ұшырады. Бірақ олар санкцияны қалай айналып өтуге болатын жолдарды да тез тауып жатыр. Туристік агенттіктер тіпті жаңа қызмет түрін – «карталық туризмді» ойлап тапты. Содан бері ресейліктер Қазақстанға немесе, мысалы, Арменияға бірнеше күнге жергілікті банктерде Visa немесе Mastercard карталарын алу үшін ағыла бастады.

Оқи отырыңыз:

• Қазақстандық банктер шот ашқысы келетін шетелдіктерге қойылатын талаптарды күшейтеді
• Ұлттық банк валюталық бақылауды күшейтіп, жаңа ереже енгізеді
• Қостанай облысында интернет-алаяқтарға SIM-карталарын қосып беріп отырған тұрғын ұсталды