Қазақстандық банктер шот ашқысы келетін шетелдіктерге қойылатын талаптарды күшейтеді

Қазақстандық банктерге ресейліктердің бұрын-соңды болмаған ағынынан кейін Қазақстан тәуекелдер туралы ойлай бастады, деп жазады Forbes.kz.

Украинадағы арнайы операцияның басталуымен ресейліктер санкцияға ұшырады. Бірақ  олардың кейбірін қалай айналып өтуге болатыны да  тез анықталуда. Туристік агенттіктер тіпті жаңа қызмет түрін – «карталық туризмді» ойлап тапты. Ресейліктер Қазақстанға немесе, мысалы, Арменияға бірнеше күнге жергілікті банктерде Visa немесе Mastercard карталарын алу үшін келе бастады.

Қазақстанда бастапқыда тұтынушылардың жергілікті жеке сәйкестендіру нөмірін халыққа қызмет көрсету орталықтарынан алуы міндетті болды. Кейбір банктер ЖСН мен төлқұжаттан бөлек, қазақстандық телефон нөмірін де талап етті.

Бейрезиденттердің карталарды ашуға сұранысы күрт өскеннен кейін Қазақстан Ұлттық банкі банктерге ресейліктер үшін Visa және Mastercard карталарын шығару кезіндегі тәуекелдер туралы ескертті. Реттеуші ресейлік клиенттерге карталарды шығармас бұрын төлем жүйелерімен кеңесуге кеңес берді.

Осыдан кейін ірі банктер резидент еместерге қойылатын талаптарды күшейтті. Halyk және Forte банктері жергілікті компаниямен еңбек шартын, қазақстандық оқу орындарында оқуды растауды немесе елдегі қызметті   растауды талап етеді. Бір жарым ай бұрын мұндай талаптар болмаған.

Ресейлік азамат ЦентрКредит пен Kaspi банкте төлқұжат пен ЖСН арқылы шот аша алады, олардың валюталық шоттары жоқ.

Банктер қайталама санкцияларды болдырмау және ақшаны жылыстатуға қарсы заңнаманы бұзбау үшін мұқият тексеру жүргізуді ұйғарды, деп хабарлайды басылым.

«Егер резидент еместердің қолма-қол ақша ағынымен бетпе-бет келген банк сәйкестік процедураларын қатайтпаса, ол резидент еместердің ақша ағынынан есептелген пайдаға қарағанда айтарлықтай үлкен шығынға ұшырауы мүмкін. Мысалы, банк қайталама санкцияларға ұшырауы мүмкін немесе шетелдік серіктестер беделіне байланысты тәуекелдерге байланысты онымен ынтымақтастықты тоқтатуы мүмкін» деп келтіреді Forbes.kz сарапшы, S&P қаржылық институттар тобының директоры Сергей Вороненконың пікірін.