«Қазақстан Украина сияқты жағдайға тап болады» деп сес көрсеткен Тигран Кеосаян қайтыс болды

Тележүргізуші Тигран Кеосаянның қайтыс болғаны белгілі болды, деп хабарлайды Orda.kz.

Бұл туралы жұбайы Маргарита Симонян хабарлады. Айта кетейік, Тигран тоғыз айдан бері клиникалық өлімді бастап кешіп, жансақтау бөлімінде жатқан.

Маргарита Симонянның күйеуі, танымал ресейлік тележүргізуші Тигран Кеосаян өз шоуында Қазақстанға ультиматум қойған болатын.

2022 жылы Кеосаян бір телебағдарламасында Қазақстанға қарсы ашық қоқан-лоқы көрсеткен. Ол «қазақстандықтардың кім екенін шешетін кез келді, әйтпесе Украина жағдайы оларды да күтіп тұр» деп халықаралық саясатқа кереғар сөйлеген болатын. Кейінірек ақпарат құралдары Кеосаянның Қазақстандағы террористер тізіміне қосылғанын хабарлады.