«Қазақстан Украина жағдайына тап болады» деген Тигран Кеосаян комада жатыр

Тележүргізуші Тигран Кеосаян клиникалық өлімді бастап кешіп, қазір комада жатыр, деп хабарлайды Orda.kz.

Тележүргізушінің халі жайлы оның әйелі Маргарита Симонян хабарлады.  

«Жұрттың бәрі білетіндей көптен бері оның жүрегі ауырады. Мен жансақтау бөлімінен жазба жариялап, жылап, суреттермен бөлісуді білмеймін, сол себепті әлеуметтік желілерде жазбағаным үшін кешірім сұраймын. Тигранның анасы өз анам сияқты, бізбен бірге тұрады. Екі жыл бұрын үлкен ұлынан айырылған, енді соңғы үмітпен кіші ұлына жаратушының мейірімін күтіп отырған әйелдің жағдайын сипаттау мүмкін емес» деп жазды Симоньян

Еске сала кетейік, Маргарита Симонянның күйеуі, танымал ресейлік тележүргізуші Тигран Кеосаян өз шоуында Қазақстанға ультиматум қойған болатын. Ол «қазақстандықтардың кім екенін шешетін кез келді, әйтпесе Украина жағдайы оларды да  күтіп тұр» деп, халықаралық саясатқа кереғар сайраған болатын.

Сондай-ақ, Ресейлік мемлекетаралық Russia Today телеарнасының басшысы Маргарита Симонян «эХо» радиостанциясына берген сұхбатында «бармалейлармен күресу үшін» Қазақстанға орыс әскерлерін жіберсе, жаны жай тауып, риза болатынын жасырмады.