Қазақстан мен Ресей президенттеріне сауда және логистика саласындағы жобалар таныстырылды

Екі ел президенті назарына – Smart Cargo платформасы, тауарларды цифрлық таңбалау, AI Jol жүйесі және шекарадағы өткізу бекеттерін жаңғырту жобалары ұсынылды, деп хабарлайды Orda.kz.       

Қазақстан мен Ресейдің өңіраралық ынтымақтастығының XXII форумында Қасым-Жомарт Тоқаев пен Владимир Путинге тауар айналымының ашықтығын қамтамасыз етуге, тасымалдау үдерісін цифрландыруға және автокөлік тасымалы қауіпсіздігін арттыруға бағытталған жобалар таныстырылды. Бұл туралы Ақорданың баспасөз қызметі хабарлады.

Президенттерге тауарлардың шығу тегін растауды және тауар айналымының ашықтығын қамтамасыз ететін цифрлық таңбалау жүйесі көрсетілді. Сонымен қатар тасымалдау процесіне қатысушылар үшін бірыңғай цифрлық платформа құруды көздейтін Smart Cargo платформасы таныстырылды. Келесі жоба – жасанды интеллект көмегімен көлік ағындарын үздіксіз талдайтын бірыңғай цифрлық AI Jol жүйесі.

Сыртқы сауда тиімділігін арттыру және көлік-логистикалық инфрақұрылымды дамыту бойынша бірлескен жұмыс туралы Қазақстан Республикасы премьер-министрінің орынбасары – жасанды интеллект және цифрлық даму министрі Жасұлан Мәдиев пен Ресей Федерациясы Үкіметі төрағасының орынбасары Алексей Оверчук баяндама жасады.

Сондай-ақ мемлекет басшыларына теміржол, автомобиль және авиация салаларындағы көлік байланысын дамыту, сондай-ақ шекарадағы автомобиль өткізу бекеттерін үйлестіре жаңғырту перспективалары жөнінде ақпарат берілді.

Оқи отырыңыз:

• Тоқаев соғысты «мұздатуды» ұсынды: Президенттің Омбыдағы мәлімдемесі нені аңғартады?
• Футбол чемпионаты Құрылтай сайлауына байланысты кейін шегеріледі