Қазақстан мен Қырғызстан шекарасында жер сілкінді

Бүгін, 31 наурыз күні Қырғызстан аумағында жер сілкінді, деп хабарлайды Orda.kz. 

Бұл туралы Қырғызстан ұлттық ғылым академиясының сейсмология институты мәлімдеді. Жер дүмпуінің магнитудасы 4,3 бал болды. 

Алдын ала мәлімет бойынша, Қарағай-Бұлақ ауылында 3,5 бал, Бішкекте 2,5 балдық жер сілкінісі тіркелген. Жер сілкінісінің орталығы Алматыдан оңтүстік-батысқа қарай 178 шақырым жерде орналасқан.

Қазақстандық сейсмологтар жер асты дүмпулері сезілгенін не сезілмегенін әлі нақтылаған жоқ.

Еске салайық, өткен аптада Жамбыл облысында жер сілкінді. 
Сонымен қатар Мьянмада жер сілкініп, қаза тапқандар саны 2000-нан асты.