Қазақстан мен Франция заңсыз мигранттарды алмастырады

Қазақстан мен Франция заңсыз мигранттарды өзара қабылдап, қайтару туралы келісімге келді. Қазақстан Республикасының Сенаты Франциямен заңсыз мигранттарды өзара қабылдап, қайтару (реадмиссия) жөніндегі келісімді ратификациялады, деп хабарлайды Orda.kz.       

Аталған құжатқа 2024 жылғы 5 қарашада Париж қаласында қол қойылған болатын. Парламенттегі барлық рәсімдерден өткеннен кейін келісім заңды күшіне енді.

Құжаттың күшіне енуіне қатысты қандай өзгерістер болады:

• екі ел өз аумақтарына заңсыз кірген, болған немесе тұрып жатқан азаматтарды реттелген тәртіппен қайтару мүмкіндігіне ие болады;
• реадмиссия, транзит және құжаттармен алмасу рәсімдері нақты айқындалды;
• мұндай адамдарды қабылдау, беру және алып жүру тәртібіне қатысты нақты ережелер бекітілді;
  екі елдің құзырлы органдары отанына қайтару үшін қажетті құжаттарды рәсімдеуге өзара көмек көрсетеді.
  
  

Келісімде сондай-ақ оны іске асырудың құқықтық, әкімшілік және рәсімдік тетіктері, соның ішінде жол жүру құжаттарын беру тәртібі мен реадмиссия процесі кезінде жеке деректерді қорғау мәселелері қарастырылған.

Қазақстан Республикасы Ішкі істер министрінің орынбасары Санжар Әділовтың айтуынша, бұл келісім алдағы уақытта Еуропалық одақпен визалық режимді жеңілдетуге мүмкіндік береді.

Жақында біз  Трамптың кесірінен Франция НАТО-дан шығу мәселесін қарастырып жатқанын жазған болатынбыз.

Оқи отырыңыз:

• Франция президенті Макрон Тоқаевты қазақша сөйлеп қарсы алды
• Шегіне жеткен шиеленіс: ЕО Гренландияны сатуға қарсыларға Трамптың баж салығын енгізуіне бірлесіп жауап береді
• Франция Балқаш көлін сақтауға 1,35 млн еуро бөледі