Қазақстан мемлекеттік активтерді сатады: тізімде БАҚ, футбол клубтары, «Сарыағаш» та бар

Бәсекелестікті қорғау және дамыту агенттігінде 2028 жылға дейін жекешелендіруге арналған 461 нысанның тізімі бекітілді, деп хабарлайды Orda.kz.

Тізімге 2028 жылға дейін жеке меншікке берілетін квазимемлекеттік сектор кәсіпорындары мен ұйымдары кірді.

Жекешелендіруге ұсынылған нысандардың басым бөлігі отын-энергетика кешендері болды - олар 200 ұйым.

Басқалары былай бөлінген:

• өнеркәсіп және индустрия - 20;

• АӨК - 147;

• БАҚ, көлік және байланыс - 14;

• әлеуметтік сала - 76;

• қаржы нарықтары саласы - 4.

«Бұл тізімге Батыс Қазақстан облысы әкімдігінің сатып алу құқығынсыз сенімгерлікке беруге ұсынып отырған сегіз техникалық және кәсіптік білім беру ұйымы, сондай-ақ Түркістан облысы әкімдігінің «Сарыағаш» емдеу-оңалту кешені және басқа да бірқатар ұйымдар кіреді» деп жазылған хабарламада.

Сонымен қатар жекешелендіру пулына  жеті қазақстандық футбол клубы кірді.

Жақында «ҚазМұнайГаз» ұлттық компаниясы Атырау мұнай өңдеу зауытының (АМӨЗ) капиталындағы үлесті ресейлік «Татнефтьке» беруді жоспарлап отыр деген ақпарат тарады.

Жақында біз «Ақжайық» футбол командасы 10 айдан бері жалақы алмағанын, футбол клубы атынан  үндеу жолдаған футболшылардың спортшылар пицца тасып, мықты жаттықтырушылардың таксист болып жүргенін айтқанын жаздық.

Сонымен қатар Антикор спорт саласын сынап, спорттық кешендер мен футбол академияларын салуға инвестиция салудың орнына, ұйымдар «легионерлерді ұстауға орасан зор ақша жұмсайды, деген болатын.