Қазақстан — Қытай шекарасында жүк көліктері өртенді

6 мамырға қараған түні желіде «Қорғас» халықаралық шекарасындағы ынтымақтастық орталығы маңындағы «Нұрлы жол» өткізу пункті аумағында түсірілген болуы мүмкін бейнежазба тарады. Кадрларда ондаған ауыр жүк көлігінің жанып жатқаны көрінеді, деп хабарлайды Orda.kz.

Әлеуметтік желі қолданушылары жүк көліктерімен бірге тіркемелердегі тауарлар да өртеніп кеткен болуы мүмкін екенін жазуда. Қытай билігі әзірге келтірілген шығын көлемі мен көліктердегі жүк туралы ресми түрде жариялаған жоқ.

Жетісу облысының төтенше жағдайлар департаменті өрттің 4 мамыр күні болғанын хабарлады.

Зардап шеккендер мен өрттің себептері туралы әзірге ақпарат жоқ.

Бұған дейін Алматы қаласының Алатау ауданындағы Шапағат ықшамауданында, Шоссейная көшесінде орналасқан қойма ғимаратында өрт шыққанын жазған едік. Өрт шамамен 200 шаршы метр аумақты қамтыған. От жарты сағаттың ішінде толық сөндіріліп, тауарлар мен мүліктің едәуір бөлігі сақталып қалды.

Оқи отырыңыз:

• Бір тәулікте алты өрт: Төтенше жағдайлар министрлігі Қазақстан халқына үндеу тастады
• Өртті ерте анықтау жүйесі баяу енгізілуде - ҚР ТЖМ
• Оңтүстік Кореяда зауыттағы өрт кезінде жоғалған Қазақстан азаматы: СІМ мәлімдемесі